2019.11.11 12:00 ТЕГ-ын мөрдөгч Т.Цэнджаргалд холбогдох асуудлаар УЕПГ-т дахин гомдол гаргав

Улсын Ерөнхий

прокурорт

2019 оны 11-р сарын 11-ний өдөр                                                                             Улаанбаатар хот

Гомдол гаргах нь

Ганболдын Доржзодов би Тагнуулын ерөнхий газрын Мөрдөн шалгах хэлтсээс 2017 оны 04 дүгээр сарын 14-ний өдөр Алтанхуягийн Ганбаатарын Г-40 дугаарт бүртгэгдсэн гомдолд үндэслэн эрүүгийн хэрэг үүсгэн, тус хэлтсийн мөрдөгч, дэслэгч Т.Цэнджаргалын мөрдөн шалгах ажиллагаа явуулсан 201701000075 дугаартай хэрэг бүртгэлтийн хэрэгт шалгагдаж байсан ба хяналт тавьсан Нийслэлийн прокурорын газрын Хяналтын прокурор Д.Ширэндэв 2017 оны 07 дугаар сарын 26-ны өдрийн №05 дугаартай Прокурорын тогтоолоор уг хэрэг бүртгэлтийн хэргийг хааж шийдвэрлэсэн байдаг.

---

Миний бие 201701000075 дугаартай хэргийн материалтай 2019 оны 06 дугаар сарын 11-ний өдрөөс 14-ний өдрийн хооронд өөрийн биеэр танилцаад Тагнуулын ерөнхий газрын Мөрдөн шалгах хэлтсийн мөрдөгч, дэслэгч Т.Цэнджаргал нь тухайн хавтаст хэргийн мөрдөн шалгахдаа Эрүүгийн болон Эрүүгийн хэрэг хянан шийдвэрлэх тухай хуулиудыг ноцтой зөрчсөн үйлдлүүдийг баримттайгаар олж мэдсэн. Тухайлбал, Тагнуулын ерөнхий газар А.Ганбаатараас 2017 оны 4 дүгээр сарын 13-ны өдөр хураан авсан нотлох баримтыг 2017 оны 4 дүгээр сарын 14-ний өдөр надаас хурааж авсан миний компьютерт 2017 оны 5 дугаар сарын 10-ны өдөр мөрдөгч Т.Цэнджаргал өөрийн гараар хуулбарлан байршуулж хуурамч нотлох баримт үйлдээд түүндээ үзлэг хийж 201701000075 дугаартай хавтаст хэрэгт бэхжүүлсэн, улмаар миний эд зүйлийг 2017 оны 6 дугаар сарын 2-ны өдөр мөрдөгч Т.Цэнджаргал хүлээлгэн өгөхдөө энэхүү ул мөрөө баллаж устгасан, ахуйн зориулалттай Sansa Plus маркийн MP3 FM radio хөгжмийг мөрдөгч Т.Цэнджаргал зориуд буюу санаатайгаар гүйцэтгэх ажлын тусгай техник хэрэгсэл гэсэн Шинжээчийн дүгнэлтийг тагнуулын байгууллагаар гаргуулж хавтаст хэрэгт бэхжүүлсэн, А.Ганбаатарын 2017 оны 4 дүгээр сарын 11-ний өдөр ТЕГ-т гаргасан худал гомдлыг шалгуулахаар 2017 оны 4 дүгээр сарын 20-ны өдөр гаргасан миний сөрөг гомдол, түүнд хавсаргаж өгсөн нотлох баримтын дагуу мөрдөгч Т.Цэнджаргал ямар нэгэн ажиллагаа огт хийгээгүй, 2017 оны 4 дүгээр сарын 21-ний өдөр миний бие өөрийн гараар зурсан хэрэг шалган шийдвэрлэхэд ач холбогдол бүхий зургаан камерын байршлын газрын зургийг мөрдөгч Т.Цэнджаргал хавтаст хэргээс устгасан, уг зургийн дагуу ямар нэгэн ажиллагаа огт хийгээгүй, мөрдөгч Т.Цэнджаргал нь 2017 оны 6 дугаар сарын 2-ны өдөр 17 цаг 50 минутад миний өмгөөлөгч Г.Баасанг байлцуулан миний эд зүйлсийг надад буцаан өгөхдөө шаардлага хангахгүй Эд зүйл хүлээлгэн өгөх актыг үйлдсэн ба үүнийгээ улмаар 201701000075 дугаартай хавтаст хэрэгт оруулалгүйгээр устгаж, түүний оронд хуурамч Акт үйлдэн хавтаст хэрэгт бэхжүүлсэн, мөрдөгч Т.Цэнджаргал нь 2017 оны 4 дүгээр сарын 14-ний өдөр хураан авсан чухал эд мөрийн баримт болох iPhone 5 маркийн утсыг цаашид ашиглах ямар ч боломжгүйгээр програм хангамжийг нь эвдэж сүйтгэсэн зэрэг мөрдөгч Т.Цэнджаргалын хууль бус, ноцтой олон гэмт үйлдлүүд 201701000075 дугаартай эрүүгийн хавтаст хэрэгт баримттайгаар бэхжин үлдсэн байдаг юм.

Миний бие Нийслэлийн прокурорын газрын архивт хадгалагдаж буй 201701000075 дугаартай хавтаст хэргийн материалтай өөрийн биеэр танилцаж дуусмагцаа 2019 оны 6 дугаар сарын 21-ний өдөр Тагнуулын ерөнхий газрын Мөрдөн шалгах хэлтсийн мөрдөгч, дэслэгч Т.Цэнджаргалыг шалгуулахаар Улсын Ерөнхий прокурорт Гомдол гаргахад 2019 оны 6 дугаар сарын 26-ны өдрийн 4/1396 дугаартай Хариу мэдэгдэх хуудсаар харъяаллын дагуу Нийслэлийн прокурорын газарт шилжүүлсэн тухай мэдэгдсэн байна. Нийслэлийн прокурорын газар 2019 оны 7 дугаар сарын 1-ний өдрийн 4/1267 дугаартай Хариу мэдэгдэх хуудсаар миний Гомдолд дурдагдсан асуудлыг шалгуулахаар Цагдаагийн ерөнхий газрын Мөрдөн байцаах албаны Тусгай субьектын үйлдсэн гэмт хэрэг мөрдөн шалгах хэлтэст шилжүүлсэн тухай мэдэгдсэн. Цагдаагийн ерөнхий газрын Мөрдөн байцаах алба 2019 оны 7 дугаар сарын 31-ний өдрийн 11/5-3347 дугаартай бичгээр тагнуулын мөрдөгч Т.Цэнджаргалд холбогдуулан гаргасан миний Гомдлын дагуу 190200627 дугаартай хэрэг нээсэн тухай надад мэдэгдсэн.

Гэвч ЦЕГ-ын МБА-ны Тусгай субьектын үйлдсэн гэмт хэрэг мөрдөн шалгах хэлтсийн ахлах мөрдөгч, цагдаагийн хошууч Б.Баасандалай нь 190200627 дугаартай хэргийг мөрдөн шалгах ажиллагаа явуулахдаа 201701000075 дугаартай хавтаст хэргийн материалд бэхжин үлдсэн тагнуулын мөрдөгч Т.Цэнджаргалын гэмт үйдлүүдийг тал бүрээс нь судалж тогтоогоогүй, уг хавтаст хэрэгт авагдсан нотлох баримтуудыг огт үнэлээгүй, уг хавтаст хэргийг бүрэн гүйцэд судлаагүй, гэрч Г.Баасан болон миний өгсөн мэдүүлгүүдийг үнэгүйдүүлсэн, миний зүгээс хүлээлгэн өгсөн нотлох баримтуудыг үнэлээгүй, мөрдөгч Т.Цэнджаргалын гэмт үйлдлүүдийг зориуд бүдгэрүүлэн дарж, улмаар 190200627 дугаартай хэргийг 2019 оны 8 дугаар сарын 27-ны өдөр хаах тухай саналаа Нийслэлийн прокурорын газрын Хяналтын прокурор Б.Баярхүүд хүргүүлжээ. Нийслэлийн прокурорын газрын Хяналтын прокурор Б.Баярхүү нь мөрдөгч Б.Баасандалайгийн саналыг үндэслэн 2019 оны 9 дүгээр сарын 9-ний өдрийн 472 дугаартай Прокурорын тогтоолоор тагнуулын мөрдөгч Т.Цэнджаргалд холбогдох 190200627 дугаартай хэргийг хааж шийдвэрлэсэн байна.

Миний бие хяналтын прокурор Б.Баярхүүгийн уг тогтоолыг эс зөвшөөрч 2019 оны 10 дугаар сарын 21-ний өдөр Нийслэлийн прокурорын газрын Ерөнхий прокурорт Гомдол гаргасан боловч 2019 оны 11 сарын 4-ний өдрийн 10/2217 дугаартай Хариу мэдэгдэх хуудсаар Хяналтын прокурор Б.Баярхүүгийн хэрэг бүртгэлтийн хэргийг хаасан шийдвэрийг хэвээр үлдээж, миний гаргасан Гомдлыг хүлээн авахаас татгалзаж шийдвэрлэсэн тухай 2019 оны 11 дүгээр сарын 8-ны өдөр надад мэдэгдсэн юм.

Иймд 2017 онд эрүүгийн 201701000075 дугаартай хавтаст хэргийн мөрдөн шалгах ажиллагааг явуулсан Тагнуулын ерөнхий газрын Мөрдөн шалгах хэлтсийн мөрдөгч, дэслэгч Т.Цэнджаргалд холбогдох хэрэг бүртгэлтийн 190200627 дугаартай хэргийг бүх талаас нь судлалгүйгээр, түүний үйлдсэн гэмт хэргийг нотлох 201701000075 дугаартай хавтаст хэргийн материалуудыг үнэгүйдүүлж, мөрдөгч Т.Цэнджаргалын А.Ганбаатар нартай бүлэглэн үйлдсэн байж болзошгүй үйлдийг бүрэн гүйцэд шалгаж тогтоолгүйгээр хаах шийдвэр гаргаж байгаад туйлын гомдолтой байгааг барагдуулж өгнө үү.

Хавсралт:

1.    Улсын ерөнхий прокурорт 2019.06.21-нд гаргасан гомдол 1-6-рхуудас

2.    УЕПГ-ын 2019.06.26-ны 4/1396 дугаартай Хариу мэдэгдэх хуудас 7-р хуудас

3.    НПГ-ын 2019.07.01-ний 4/1267 дугаартай Хариу мэдэгдэх хуудас 8-р хуудас

4.    ЦЕГ-ын МБА-ны 2019.07.31-ний 11/5-3347 дугаартай албан бичиг 9-р хуудас

5.    НПГ-ын 2019.09.09-ний 472 дугаартай Прокурорын тогтоол 10-12-р хуудас

6.    НПГ-ыг Прокурорын тогтоолд 2019.10.21-нд гаргасан Гомдол 13-14-р хуудас

7.    НПГ-ын 2019.11.04-ний 10/2217 дугаартай Хариу мэдэгдэх хуудас 15-р хуудас

хавсралт Нийт: 15 хуудас.

 

Гомдол гаргасан:                                                                       /Г.доржзодов/

___ цаг ___ минут

2019 оны 11-р сарын 11.

No comments

Leave a reply