2019.06.24 12:30 А.Ганбаатарт холбогдох гомдол гаргав

ЭЦА-Д

2019 оны 6-р сарын 24-ний өдөр                                                                             Улаанбаатар хот

 

Гомдол гаргах нь

Баатарган овогтой Алтанхуягийн Ганбаатар (Баянзүрх дүүрэг, 14 дүгээр хороо, 14 дүгээр хороолол, Энхтайваны өргөн чөлөө гудамж, 59 дүгээр байрны 0 тоотод оршин суух, РД: ХО69111518, утас: 99114330, 97098888) нь 2017 оны 04 дүгээр сарын 05-ны өдрийн 16 цагийн үед Баянгол дүүргийн 17 хорооны 40-р байрны орчимд өөрийнхөө 6666УНХ улсын бүртгэлийн дугаартай Мерседес Жи маркын жийп машиндаа отож зогсч байсан. Ганболдын Доржзодов намайг эхнэрийн хамт 16 цагийн үед гэрээсээ гарч ирээд машиндаа суух үед А.Ганбаатар машинаасаа буун гүйж ирээд надад хандан: “Утсаа яагаад авахгүй байгаа юм бэ? Нааш ир. Буугаад ир. Уулзъя” гэж тулган шаардсан. Би эхнэрээ машиндаа үлдээгээд бууж очсон. Гэтэл А.Ганбаатар: “Би танай Дарханд байгаа хөгшин аав, ээжийн чинь гэрт тоотод очсон. Гэхдээ тэдний гэрт нь ороогүй. Гадаа нь хүлээсэн. Би танай энэ гэрт яваад орвол орох л байсан. Нялх нойтон хүүхдийг чинь бодоод ороогүй. Чи яагаад 60 тэрбумын талаар сошлд юм бичээд байгаа юм. Чи утсаа яагаад асаахгүй зугатаад байгаа юм бэ. Чамайг хаана хэнтэй уулзаад яваад байгааг чинь би мэднэ шүү. Хүсвэл чамайг Зоригийн хэрэг шиг болгоод хаячихаж чадна шүү. Чиний гэрийн хаяг, эхнэр, хүүхэд, хадам аав ээжийн чинь дүр зураг, Дарханд байгаа аав ээжийн гэрийн хаяг гээд бүгдийг мэднэ шүү...” гэх зэргээр миний амь нас болон гэр бүл ойр дотны хүмүүсийн аюулгүй байдал, амь насанд илт заналхийлж байгаад маргааш нь буюу 2017 оны 04 дүгээр сарын 06-ны өдөр өөрийнхөө Шинэ Монгол хаад групп ХХК-ийн байранд очиж уулзахыг шаардаад явсан. Энэ явдлаас болж эхнэр маань маш их айж цочирдсон ба айдас түгшүүртэй амьдарч чадахгүй гэдгээ илэрхийлж, төд удалгүй надаас салж, улмаар гэрлэлтээ цуцлуулсан.

---

Би аргагүйн эрхэнд маргааш өдөр нь буюу 2017 оны 04 дүгээр сарын 06-ны өдрийн 14 цагийн орчимд заасан газар нь очиж түүнтэй хоёулхнаа уулзахдаа дээр дурдагдсан А.Ганбаатарын удаа дараагийн заналхийллыг нь баримтжуулж хуулийн байгууллагад баримт нотолгоотой өгч шалгуулах зорилгоор SanDisk фирмийн ахуйн хэрэглээний Sansa^® Plus FM radio, mp3 music player хөгжим тоглуулагчаар дууг бичсэн боловч А.Ганбаатар хамгаалалтын ажилтнуудтайгаа хамтран хүч хэрэглэн түүнийг надаас бүлэглэн дээрэмдэж авсан юм. Урьд нь А.Ганбаатар 2016 оны 9-10 сараас эхлэн намайг байнгын дарамтад байлгаж “Бид нар хүсвэл чамайг устгачихад ядах юм байхгүй” гэж давтан давтан амь насанд минь заналхийлж байсан удаатай.

Гэтэл А.Ганбаатар 2017 оны 04 дүгээр сарын 11-ний өдөр Тагнуулын ерөнхий газарт гаргасан өргөдөл болон 2017 оны 04 дүгээр сарын 13-ны өдөр тус газарт өгсөн тайлбартаа бодит байдалд үл нийцэх худал зүйл дурьдаж, намайг эрүүгийн гэмт хэрэг үйлдсэн мэтээр гүтгэсэн мэдээлэл өгсөн. Улмаар тус газрын долоон ажилтан 2017 оны 04 дүгээр сарын 14-ний өдрийн 11 цагийн үед Цэцэг төвийн уулзварын Ариг банкны дэргэдэх кафе Бенед сууж байхад намайг баривчилсан. Тэр өдрөө Тагнуулын ерөнхий газрын Мөрдөн шалгах хэлтсээс 2002 оны Эрүүгийн хуулийн 133 дугаар зүйлийн 133.1 дэх хэсэгт зааснаар эрүүгийн хэрэг үүсгэн хэрэг бүртгэлтийн 201701000075 дугаартай хэргийг нээж намайг сэжигтнээр татан шалгаж байсан боловч 2017 оны 07 дугаар сарын 01-ний өдрөөс хүчин төгөлдөр үйлчилж эхэлсэн шинэ Эрүүгийн хуулийн 21.13 дугаар зүйлд заасан гүйцэтгэх ажлын хууль тогтоомж зөрчих гэмт хэргийн субьект нь гүйцэтгэх ажил явуулах эрх бүхий байгууллага, албан тушаалтан байхаар тодотгон заасан гэдэг үндэслэлээр 2017 оны 07 дугаар сарын 26-ны өдрийн №05 дугаартай Нийслэлийн прокурорын газрын Прокурорын тогтоолоор уг хэргийг хаасан юм.

Миний бие 2019 оны 05 дугаар сарын 29-ний өдөр Нийслэлийн прокурорын газрын Ерөнхий прокурорын орлогч Ц.Насанбатад хэрэг бүртгэлтийн 201701000075 дугаартай хэргийн материалтай танилцах хүсэлтээ гаргасны дагуу тус Газраас 2019 оны 06 сарын 05-ны өдрийн №4/1067 дугаартай Хариу мэдэгдэх хуудсаар миний хүсэлтийг хангаж шийдвэрлэсэн байдаг.

Ийнхүү миний бие анх удаагаа 201701000075 дугаартай хэргийн материалтай 2019 оны 06 дугаар сарын 11-ний өдрөөс 14-ний өдрийг дуустал дөрөв хоногийн турш биечлэн танилцах явцдаа А.Ганбаатарын Тагнуулын ерөнхий газарт 2017 оны 04 дүгээр сарын 11-ний өдөр гаргасан Өргөдөл (НПГ-ын архив, 201701000075 дугаартай хавтаст хэргийн 1 дүгээр боть, 002 дугаар хуудас), 2017 оны 04 дүгээр сарын 13-ны өдөр өгсөн Тайлбар (НПГ-ын архив, 201701000075 дугаартай хавтаст хэргийн 1 дүгээр боть, 005-006 дугаар хуудас), 2017 оны 05 дугаар сарын 08-ны өдөр өгсөн Гэрчийн мэдүүлэг (НПГ-ын архив, 201701000075 дугаартай хавтаст хэргийн 1 дүгээр боть, 054-055 дугаар хуудас)-т тус тус худал мэдүүлсэн болохыг олж мэдсэн.

Иймд А.Ганбаатар Эрүүгийн хуулийн 13.12 дугаар зүйл (Хууль бусаар мөрдөж мөшгих)-ийн 13.12.1, 17.2 дугаар зүйл (Дээрэмдэх)-ийн 17.2.2, 21.2 дугаар зүйл (Худал мэдүүлэх)-ийн 21.2.1, 21.2.2 заалтуудад заасан эрүүгийн гэмт хэргүүдийг үйлдсэн байж болох тул хэрэг үүсгэн шалгаж, үнэнийг тогтоож өгнө үү.

Өргөдөлд А.Ганбаатар 2017 оны 04 дүгээр сарын 05-ны өдөр намайг отож байгаад уулзаж дарамталж буй бичлэг /3 видео/ бүхий 1 CD-г хавсаргав.

 

Гомдол гаргасан:                                                                   /Г.Доржзодов/

2019 оны 6-р сарын 24.

цаг        минут

No comments

Leave a reply