MON2019.06.27 14:30 АТГ-ын Ахлах мөрдөгч Б.Бат-Олзвойд холбогдох гомдол
УЕПГ-Т
2019 оны 6-р сарын 27-ний
өдөр Улаанбаатар хот
Гомдол гаргах нь
Ганболдын Доржзодов би тухайн үеийн МАН-ын Дарга
М.Энхболд, Нийслэлийн МАН-ын дарга Ц.Сандуй, түүний зөвлөх А.Ганбаатар нарын
2014 оны 09 дүгээр сарын 08-ны өдөр Шинэ Монгол хаад групп ХХК-ийн байранд 12
цаг 00 минутаас 13 цаг 30 минутын хооронд зохион байгуулсан Монгол Улсын Үндсэн
хуулийн 3.2-т заасан төрийн эрх мэдлийг хууль бусаар авах, авахаар завдахыг
хориглоно гэсэн заалтыг зөрчсөн уулзалтын нотлох баримт болох 90 минут
үргэлжлэх дуу бичлэгээс гурван хэсгийг тасдан авч 02 минут 16 секунд үргэлжлэх “Sandui60billion.mp3” (дуу авианы
бичлэг),
00 минут 02 секунд үргэлжлэх “Namzeh.mp3” (дуу авианы
бичлэг),
00 минут 32 секунд үргэлжлэх “Shem.mp3” (дуу авианы бичлэг) гэсэн нэртэйгээр 2016 оны 06 дугаар сарын
17-ны өдрийн үдэш олон нийтэд нээлттэйгээр soundcloud.com
сайтад nona me гэсэн бүртгэлтэй хэрэглэгчийн хаягаар байршуулсан.
Бичлэгт дурдагдсан зүйлсийн талаар Нийслэлийн Ардчилсан нам 2016 оны 06 дугаар сарын 17-ны өдрийн А/499 дугаартай бичгээр (АТГ-204 дугаартай хэргийн материалын 35 дугаар хуудас) Сүхбаатар дүүргийн Цагдаагийн 1 дүгээр хэлтэст, Монгол ардын хувьсгалт намын “Сонгуулийн хувьсгал” төв штаб 2016 оны 06 дугаар сарын 24-ний өдрийн 2/15 дугаартай бичгээр (АТГ-204 дугаартай хэргийн материалын 4 дүгээр хуудас) АТГ-т, Ардчилсан нам 2016 оны 06 дугаар сарын 27-ны өдрийн 1/48 дугаартай бичгээр (АТГ-204 дугаартай хэргийн материалын 10 дугаар хуудас) ТЕГ-т, Ардчилсан нам 2016 оны 06 дугаар сарын 27-ны өдрийн 1/49 дугаартай бичгээр (АТГ-204 дугаартай хэргийн материалын 1 дүгээр хуудас) АТГ-т тус тус шалгуулах хүсэлт гаргахдаа дээрх гурван дуу бичлэгийг soundcloud.com сайтаас татан авч заримыг CD диск дээр бичээд тус тусын хүсэлтдээ хавсаргаж өгсөн байна.
Сүхбаатар дүүргийн Цагдаагийн 1 дүгээр хэлтсийн Ахлах
мөрдөн байцаагч, хошууч Т.Батсайхан 2016 оны 06 дугаар сарын 20-ны өдөр
Шинжилгээ хийлгэх, шинжээч томилох тогтоол (АТГ-204 дугаартай хэргийн материалын 36 дугаар хуудас) үйлдэж 2 ширхэг CD дискний хамт Шүүх шинжилгээний үндэсний хүрээлэнд хүлээлгэн
өгсөн байна. Шүүх шинжилгээний үндэсний хүрээлэнгийн Криминалистикийн
шинжилгээний хэлтсийн Гэрэл зураг, дүрс бичлэг-дүр зургийн шинжилгээний
лабораторийн шинжээч, мэдээллийн технологийн инженер, цагдаагийн дэслэгч
Д.Мөнхбаатар ирүүлсэн 2 ширхэг CD дискэнд
дуу авиа адилтгалын шинжилгээ хийж 2016 оны 06 дугаар сарын 22-ны
өдрийн 4113 дугаартай Шинжээчийн дүгнэлт (АТГ-204 дугаартай хэргийн материалын 37-39 дүгээр хуудас) үйлджээ. Д.Мөнхбаатар уг дүгнэлтдээ “НЭГ. Шинжилгээнд
ирүүлсэн “Шинжилгээнд хүргүүлж байгаа бичлэгтэй CD” гэсэн
бичигтэй CD дискэнд “audio
01 Sandui60billion.mp3” гэсэн
нэртэй 2.09МВ хэмжээтэй, 128.0Kbps bitrate, 00:02:16 секундын үргэлжлэх хугацаатай дуу авианы бичлэгийн файл, харьцуулах
шинжилгээнд ирүүлсэн “2 Ц.Сандуйгийн ярьж байгаа бичлэг” гэсэн бичигтэй CD дискэнд “Sandui yriltslaga.mp4” гэсэн нэртэй 2.32GB хэмжээтэй, 18.0Mbps bitrate, 1280х720 pixels, 00:18:02 секундын үргэлжлэх хугацаатай дүрс бичлэгийн
файлууд тус тус бичигдсэн байна. ХОЁР. Шинжилгээнд ирүүлсэн “audio
01 Sandui60billion.mp3” гэсэн
нэртэй бичлэгт ярьж байгаа эрэгтэй хүний дуу авиа нь харьцуулах шинжилгээнд
ирүүлсэн “Sandui yriltslaga.mp4”
гэсэн нэртэй дүрс бичлэгт дүрслэгдсэн Нийслэлийн Монгол Ардын намын дарга Ц.Сандуй
гэх хүний дуу хоолойтой тохирч байна. ГУРАВ. Шинжилгээнд ирүүлсэн “audio
01 Sandui60billion.mp3” гэсэн
нэртэй бичлэгт ярьж байгаа эрэгтэй хүний дуу авиа нь харьцуулах шинжилгээнд
ирүүлсэн “Sandui yriltslaga.mp4”
гэсэн нэртэй дүрс бичлэгт дүрслэгдсэн эрэгтэй хүний дуу авиатай дууны давтамж,
далайцын спектрийн байгууламж, ярианы давтамжийн зурвас, харилцан ярианы
давтамжийн үе зэрэг шинжүүдээрээ тохирч байна.” гэсэн байна. Өөрөөр хэлбэл, “audio
01 Sandui60billion.mp3” дуу авианы 1 ширхэг
бичлэгт шинжилгээ хийсэн байх ба уг дуу авианы бичлэг дээрх дуу хоолой нь Ц.Сандуйгийн дуу хоолой мөн гэсэн
байна. Жич.: Шинжилгээ хийсэн “audio 01 Sandui60billion.mp3” гэсэн нэртэй дуу авианы бичлэг нь soundcloud.com
сайтад 2016 оны 06 дугаар сарын 17-нд байршсан “Sandui60billion.mp3” дуу авианы бичлэгтэй үргэлжлэх хугацаа болох 02 минут
16 секунд болон файлын .mp3 форматаараа
шууд тохирч байсан байна.
Сүхбаатар дүүргийн Цагдаагийн 1 дүгээр хэлтсийн Ахлах
мөрдөн байцаагч, хошууч Т.Батсайхан 2016 оны 06 дугаар сарын 27-ны өдөр
Шинжилгээ хийлгэх, шинжээч томилох тогтоол (АТГ-204 дугаартай хэргийн материалын 47 дугаар хуудас) үйлдэж 1 ширхэг CD дискний хамт Шүүх шинжилгээний үндэсний хүрээлэнд
хүлээлгэн өгсөн байна. Шүүх шинжилгээний үндэсний хүрээлэнгийн Криминалистикийн
шинжилгээний хэлтсийн Гэрэл зураг, дүрс бичлэг-дүр зургийн шинжилгээний
лабораторийн шинжээч, мэдээллийн технологийн инженер, цагдаагийн дэслэгч
Д.Мөнхбаатар ирүүлсэн 1 ширхэг CD дискэнд
дуу авиа адилтгалын шинжилгээ хийж 2016 оны 06 дугаар сарын 30-ны
өдрийн 4225 дугаартай Шинжээчийн дүгнэлт (АТГ-204 дугаартай хэргийн материалын 48-50 дугаар хуудас) үйлджээ. Д.Мөнхбаатар уг дүгнэлтдээ “НЭГ. Шинжилгээнд
ирүүлсэн “audio 01 Sandui60billion.mp3” гэсэн нэртэй дуу авианы бичлэгт дуу авианы давтамжаараа
гурван хүний харилцан яриа байх ба уг харилцан яриаг текст хэлбэрт буулган
Хавсралт 1-д хавсаргав. ХОЁР. Шинжилгээнд ирүүлсэн “audio
01 Sandui60billion.mp3” гэсэн
нэртэй бичлэгт эвлүүлэг яриа орсон эсэхийг SIS7.0 тусгай зориулалтын програм хангамж ашиглан шинжлэхэд дуу
авианы бичлэгийн эвлүүлэг монтаж ороогүй байна. ГУРАВ. Шинжилгээнд ирүүлсэн
“audio
01 Sandui60billion.mp3” гэсэн нэртэй
бичлэгийг бэхжүүлж авсан техник хэрэгсэлийг тогтоох боломжгүй.” гэсэн байна.
Өөрөөр хэлбэл, “audio 01 Sandui60billion.mp3” гэсэн нэртэй дуу авианы бичлэгт гурван хүний харилцан яриа байх ба эвлүүлэг
монтаж ороогүй гэсэн шинжээчийн дүгнэлт гарсан байна. Шинжилгээ
хийсэн “audio
01 Sandui60billion.mp3” гэсэн нэртэй дуу
авианы бичлэг нь soundcloud.com сайтад 2016 оны 06 дугаар сарын 17-нд байршсан “Sandui60billion.mp3” дуу авианы бичлэгтэй үргэлжлэх хугацаа болох 02 минут
16 секунд болон файлын .mp3 форматаараа
шууд тохирч байсан байна.
Гэтэл Авлигатай тэмцэх газрын Мөрдөн шалгах хэлтсийн
Ахлах мөрдөн байцаагч, ахлах комиссар Б.Бат-Олзвой нь 2016 оны 07 дугаар сарын
06-ны өдөр Шинжилгээ хийлгэх тухай тогтоол (АТГ-204 дугаартай хэргийн материалын 23 дугаар хуудас)-доо Шүүх шинжилгээний үндэсний хүрээлэнгийн шинжээчийн
мэдэлд бичлэг бүхий CD диск 1
ширхэг, USB
флаш диск 1 ширхэг хүлээлгэн өгсөн тухайгаа дурджээ. Шүүх
шинжилгээний үндэсний хүрээлэнгийн Криминалистикийн шинжилгээний хэлтсийн Гэрэл
зураг, дүрс бичлэг-дүр зургийн шинжилгээний лабораторийн шинжээч, мэдээллийн
технологийн инженер, цагдаагийн дэслэгч Д.Мөнхбаатар ирүүлсэн 1 ширхэг CD диск болон 1 ширхэг USB флаш дискэнд дүрс бичлэгийн шинжилгээ хийж 2016
оны 07 дугаар сарын 18-ны өдрийн 4374 дугаартай Шинжээчийн дүгнэлт (АТГ-204 дугаартай хэргийн материалын 24-26 дугаар хуудас)-ийг үйлджээ. Шинжээч шинжилгээ хийхээсээ өмнө үзлэг хийхэд CD диск дээр “sundui yria.mpg” гэсэн нэртэй 30.2MB хэмжээтэй, 1920х1080 pixels, 9029 Kbps bitrate, 00:00:26 секундын
үргэлжлэх хугацаатай дүрс бичлэгийн файл, “suudal_une.mp4” гэсэн нэртэй 30.8MB хэмжээтэй, 856х480 pixels, 1529 Kbps bitrate, 00:02:40 секундын
үргэлжлэх хугацаатай дүрс бичлэгийн файл тус тус байсан бол харин USB флаш диск дээр “suudal_une.mov” гэсэн нэртэй 747.0MB хэмжээтэй, 1920х1080 pixels, 39.2Mbps bitrate, 00:02:40 секундын үргэлжлэх хугацаатай дүрс бичлэгийн файл байсан байна. Шинжээч эдгээр
дүрс бичлэгүүдийн Hash
кодыг 2016 оны 06 дугаар сарын 30-нд дуу авиа адилтгалын шинжилгээ
хийсэн дуу авианы бичлэгийн Hash кодтой харьцуулж үзэхэд зөрж байгаа нь тогтоогджээ.
Өөрөөр хэлбэл, soundcloud.com сайтын “Sandui60billion.mp3” (файлын
формат .mp3, үргэлжлэх хугацаа 02 минут 16 секунд) дуу авианы бичлэгтэй бүх үзүүлэлтээрээ тохирсон
“audio 01 Sandui60billion.mp3” нэртэй дуу авианы бичлэгийг АН болон МАХН CD диск дээр бичиж хүсэлтдээ хавсаргаж өгсөнийг Сүхбаатар
дүүргийн Цагдаагийн 1 дүгээр хэлтэс хэргийн материалд бэхжүүлж, улмаар 2016 оны
06 дугаар сарын 20-ны өдөр болон 27-ны өдөр шинжилгээнд 2 удаа ирүүлсэн байх
боловч АТГ-ын МШХ-ийн Ахлах мөрдөн байцаагч Б.Бат-Олзвой USB флаш диск дээр 1 ширхэг дүрс бичлэг, CD диск дээр 2 ширхэг дүрс бичлэг, нийт 3 ширхэг дүрс
бичлэгийг 2016 оны 07 дугаар сарын 06-ны өдөр шинжилгээнд өгсөн байна. Уг
3 ширхэг дүрс бичлэг нь форматын хувьд ч, үргэлжлэх хугацааны хувьд ч, файлын
хэмжээний хувьд ч, Hash кодын хувьд ч СБД-ийн Цагдаагийн 1 дүгээр хэлтсээс анх
ирүүлж байсан файлаас бүх үзүүлэлтүүдээрээ зөрж байна. Ийнхүү АТГ-ын Мөрдөн шалгах хэлтсээс 2016 оны 07 дугаар
сарын 06-ны өдөр шинжилгээнд 3 ширхэг дүрс бичлэг явуулсан үйлдэл нь нотлох
баримтыг зохион байгуулалттайгаар хуурамчаар үйлдсэн, эсвэл сольсон, улмаар түүнийгээ
бэхжүүлсэн байж болох сэжиг бүхий байдлыг бий болгож байна.
Шүүх шинжилгээний үндэсний хүрээлэнгийн Криминалистикийн
шинжилгээний хэлтсийн Гэрэл зураг, дүрс бичлэг-дүр зургийн шинжилгээний
лабораторийн шинжээч, мэдээллийн технологийн инженер, цагдаагийн дэслэгч
Д.Мөнхбаатар нь 2016 оны 06 дугаар сарын 22-ны өдрийн 4113
дугаартай Шинжээчийн дүгнэлт (АТГ-204
дугаартай хэргийн материалын 37-39
дүгээр хуудас), 2016 оны 06
дугаар сарын 30-ны өдрийн 4225 дугаартай Шинжээчийн дүгнэлт (АТГ-204 дугаартай хэргийн материалын 48-50 дугаар хуудас), 2016 оны 07 дугаар сарын 18-ны өдрийн 4374
дугаартай Шинжээчийн дүгнэлт (АТГ-204
дугаартай хэргийн материалын 24-26 дугаар хуудас)-ийг тус тус нэгтгэн гараар бичсэн тайлбар (АТГ-204 хэргийн материалын 59-60 дугаар хуудас)-таа СБД-ийн Цагдаагийн 1 дүгээр хэлтсээс шинжилгээнд ирүүлсэн
файл болон АТГ-ын МШХ-ээс шинжилгээнд ирүүлсэн файлууд тус тус бүх
үзүүлэлтээрээ зөрсөнийг тэмдэглэн үлдээсэн байна.
Иймд Авлигатай тэмцэх газрын Мөрдөн шалгах хэлтсийн Ахлах
мөрдөн байцаагч Б.Бат-Олзвой нь 2016 оны 07 дугаар сарын 06-ны өдөр АТГ-204
дугаартай хэрэгт авагдсан дуу авианы бичлэгийн нотлох баримтыг дүрс бичлэгээр
сольж, улмаар түүнийгээ Шүүх шинжилгээний үндэсний хүрээлэнгээр шинжлүүлсэн
үйлдлийг шалгаж өгнө үү.
Гомдол
гаргасан: /Г.Доржзодов/
2019 оны 6-р сарын 27.